20090927 生日快樂

20090927

我終於都生日喇....祝我自己生日快樂﹗

係呢到我要多謝我2位好朋友同肥仔....

因為佢地所做既野差d令我喊...

最具心思既禮物...一睇到我地3個既照片，真的想哭...

沒想過你們會為我這樣做.....

吃了我想食很久的〝糖百府〞....

多謝2位好朋友同肥仔陪我一齊等....

我既貪食差d令我命仔都無丫...仲嚇親肥仔....

這鮮花我恨了很久...今次收到的還是粉紅的，多謝肥仔﹗

還吃了一餐開心的晚飯.....

飯後，我們浪漫的行沙灘....

因為肥仔記得我曾經講過...2個人係晚上行沙灘應該係好浪漫既...

今天我感受到了....

拿著一大扎花出現係長洲...真係嚇親好多人....

晚上，以為今年沒蛋糕吃，可能真的要吃月餅當蛋糕....

但12點正的時候，我電話卻響起.....

"Happy Birthday to u ,

Happy Birthday to u ,

Happy Birthday to 老婆 ,

Happy Birthday to u .

快d出黎食蛋糕。"

聽完之後我就恨恨地叫肥仔進來...仲鬧左佢一餐...

最後比佢感動到喊丫...

今年生日既我，好想多謝佢地3個﹗希望每一年我既生日都有你地3個陪我一齊過喇﹗

今年媽媽同男朋友仔去左旅行過生日...我都祝佢生日快樂，身體健康﹗

（P.S.我地係同月同日生日嫁﹗）

20090924 奶凍

20090924 奶凍

今個星期都係唔整餅喇...

聽日阿媽又去旅行...

送乜都假既，等佢番黎先算喇....

仲有3日咋...

今日去左吉之島，見到北海道特選3.6牛乳，即買..因為見過一次之後又搵唔到

所以心血來潮整左個奶凍，呢個甜品排隊排左好耐都到佢...

今日佢終於出現喇..

所需材料，仲有糖嫁

係到煲緊奶丫...

隔左之後倒落去個盒到..聽日可以同肥仔下午茶了....

--**--

呢舊月餅...係東海堂用8達通日日賞換嫁﹗

1分+$38，我換左呢個（芒果冰燒月）仲有一個芒果冰皮。

芒果冰皮就未食，但呢個芒果冰燒月就.....

要換都係換冰皮好.....食完再話你地知喇..=]

20090919 焗芒果芝士蛋糕

焗芒果芝士蛋糕

今日係長洲回程前，再去左光顧芝心意....

由於上次諗住整芒果凍餅，所以冇試到佢既芒果芝士蛋糕...

今次慶起想食cake..上船前買番個同肥仔嘆...正

賣相就好似麻麻...不過我覺得幾正...

肥仔食後感︰正...（鬼咩..有人喂，梗係乜都正嫁﹗）

20090919 木糠布甸

20090919 木糠布甸

今日係長洲回家..

係旺角留左3個幾鐘..

為既係買野同扮靚d...

今日所需既材料...

張d餅放入個袋到整碎佢（不過我個人覺得呢個方法唔係幾好）

睇下製成品﹗仲有好多粒粒...> <

我終於買左打蛋器，唔洗打得咁慘...

呢個係d Ceram+練奶+雲尼拉香油搞搞搞.....

做番個梅花間竹先...正...（不過未食...）

聽日襯肥仔番工個陣，拎比佢做宵夜先...呵呵..

1星期後再整比媽媽食....

不過有冇blog可以介紹d唔係好甜又可以做生日蛋糕既凍餅比我丫？

因為我要同媽媽一齊慶生丫﹗

呢個係我新買既磅

20090915 新零食

20090915

早前睇到朋友仔個blog有新零食，所以就想試...

但係我未買既時候，琴日番工見到“佢”係我櫃入面wo...

有人話仔熊仔由樹上面爬到去我櫃入面，仲叫我快d試下丫﹗

晏就，我就急不及待開左...好大陣奶味丫...

呀..係丫..呢個係牛奶布甸味...好好味丫...食到唔想比肥仔食...

不過就要$9一盒喇...平時士多啤梨都係$5一盒之ma...

貴一倍囉唔該.....

呢隻就係肥仔晏就拎出黎比我既....

係香蕉pamcake丫..

um...我就覺麻麻喇...

不過肥仔就話好食過牛奶味wo....

最終食後感︰

我同肥仔一致認同士多啤梨都係最好食既....

20090912 益力多士多啤梨凍餅

20090912

又係一星期一次既阿茂整餅既時間喇﹗

今次係整益力多士多啤梨凍餅...

最後，最衰都係自己，整乜得士多啤梨係面呀，搞到個樣，樣衰曬...

肥仔食後感︰入面d啫喱好正丫....

肥仔細妹食身感︰佢問我做乜個士多啤梨凍餅會用橙啫喱做面既...

真係比佢激死....

我感想︰今次我承認我打cream打得唔好，比上次益力多藍莓差...不過我真係用盡心機嫁喇﹗

20090910~4個月

20090910

今日係同肥仔一齊4個月既日子...

咁岩是日佢唔洗番學，所以放工可以一齊行街食飯....

好好味...不過唔記得左叫乜野名丫間野...等我去開飯啦搵下先...

--*--

今日仲買左樣野....

就係我腳上既呢對鞋喇....

因為肥仔話我舊個對爛到唔爛，所以迫我買左對同佢情侶裝...

不過我睇左好耐都睇唔岩，本來都想買番原本個對嫁喇...

所以就同佢情侶裝一次咁多喇....

--**--

呢對就係我舊到唔舊，爛到唔爛既鞋喇...

--**--

總括黎講︰

呢4個月我地經歷左好多野...

好似我入院喇，屋企人入院喇等等....

而且我地有好多野都好夾....

好似大家都知大家諗乜咁...

總知我就覺得開心喇...哈哈（其實係我d中文差到唔知點講好）

20090908

20090908

第一次食白朱古力繽紛樂呀﹗係肥仔買的，um....太甜喇﹗

肥仔幾經辛苦儲曬成套小丸子﹗

最後一隻豬太郎都儲埋喇﹗