20110814 Hello Kitty 展
九月尾先寫八月既Hello Kitty 展唔知會唔會太遲呢？
不過唔緊要喇，都係想紀錄下我既事姐。
好喇﹗開始
今日一早就同肥仔出發去愉景新城喇﹗
其實我都好似只係黎過1/2次左右咁，所以都唔識路。
好采肥仔佢做足準備。
而門票，我地一早上網訂左。今次我地亦都係冇買快飛。
因為覺得買左又唔係真係快得好多，而且仲要咁貴，所以冇買。
由於今年有d唔同，就係個隻公仔，係要自己買先有得玩，而肥仔亦為左滿足我，所以批准左我買1隻2份玩。
去到售票處，唔洗十分鐘就拎到飛同公仔囉﹗
之後就落去排隊喇﹗
落到去，其實都係等左半個鐘左右
係等既時候，就梗係係到影下相消磨下時間喇﹗
排到差不多，就去到個入口喇﹗
去到入口，唔等於係可以入去架﹗
仲要係門口到等一陣...........
入到去原來都仲要聽野﹗
正常喇...之前年年都係咁架喇﹗
屎喇，我唔記得左呢隻野叫乜.....@@
係到都聽左10分鐘左右.....
聽完都仲未玩得架﹗點解？之前去過既朋友都知喇，隻公仔係要check in架﹗
呢隻就係我隻Kitty喇﹗我地去check in喇﹗（唔洗理後面個男人架﹗）
由於肥仔佢冇買公仔，所以佢有以下呢張野﹗Visitor﹗
不過玩之後，係要交返出黎架﹗
呢張就係今次任務既地圖喇﹗
不過算喇，比左地圖你都冇用﹗
因為個到同迷宮一樣，最唔同就係你可以問工作人員。
係40分鐘內出到去，有禮物架﹗係乜？最後先講﹗
入到去就梗係影相喇，難得可以嗎﹗
鬼咩，之前年年都唔比，但近幾年都可以影。
唔好以為入到去係可以即刻玩丫？唔係架﹗
又係要搵d野先可以玩架﹗
有一d P字既野，用隻Kitty拍一拍拎到個pass之後先可以玩架﹗
冇記錯全場好似有15個pass，其實你只要指夠7/8個就可以。
我地第一站去既地方係......
無錯，就係呢到，因為時間太耐喇，已經唔記得左呢到係邊到喇﹗哈哈
跟住落黎既相，看圖作文喇﹗太多忘記了，嘻嘻
大家要好留意呢個蘋果形既野，佢會係場地出現好多次。
其實佢既作用只係比大家用黎check 下用左幾多時間、有幾多K 幣、有幾多個Pass、同埋有幾多經驗值既﹗
去到呢到，已經冇得返轉頭架喇﹗
因為呢到係最後一站﹗
亦係最重要既一站之一，食粥食飯睇佢架喇﹗
點解？因為......
會由玩家用個轉轉係指定時間內轉，而得出既數字會令你最後既分鐘有好大影響﹗（如果冇記錯，肥仔係轉到60）
轉完之後，佢會有一堆數字係個mon到閃閃下，咁你就要係禁制，睇下係幾多﹗
因為出現個個數字係會令你既分鐘倍增，有0.5、1、2、3倍仲有冇4以上真係唔知（因為我地係3倍）
我地係38分29秒完成﹗會得到手巾一條。
但我覺得個條只係眼鏡布囉﹗
個款就係圖個3款喇﹗之但係冇得揀，所以我2條都一樣。
以下落黎就係影相時間喇﹗
而我地就揀左以下呢個相框喇﹗
影完相，又係拎飛仔出去喇﹗
今次唔可以一次過KO，因為個場太細喇。
所以要去一個叫Photo Shop既地方
