由於阿碟今年既生日係星期二，所以就同肥仔提早慶祝。
呢個pkg已經係生日前2個月買既....慣例喇，去澳門就梗係光顧中旅喇﹗
去程︰早上10:30
回程︰晚上08:30
酒店︰Grand Hyatt
特別行程︰水舞間
行程就好似上面講一樣喇﹗
好喇，開始阿碟既生日之旅喇﹗....
今日一早7點幾就起身，8點幾就出發喇﹗
去到仲食到個靚早餐﹗
其實我地9點半到入閘架喇﹗
本來可以搭到9點9後補，都係肥仔喇，有大事做﹗
最後要搭10點﹗好好釆有位咋，如果唔係就慘喇﹗
不過開心既係，我地多左半個鐘頭玩丫﹗
1個鐘頭左右既船程，好快就到澳門喇﹗
澳門既行程，即將開始。
首先，我地要係碼頭拎晚上水舞間既飛。
之後我地就會去左酒店check in先既﹗
去澳門有個好處就係唔洗點理個d交通費，事關太多酒店而且又有好多發財車比我地揀﹗
今次我地就搭呢架喇﹗
基本上，等左十分鐘左右就有錢﹗最重要係唔洗錢丫嗎﹗哈哈
上到車，發覺d位都幾好坐丫﹗
雖然係坐15分鐘左右，之但係都幾舒適丫﹗
今次我地就係住Grand Hyatt喇﹗
咁佢就係新濠天地入面既其中一棟黎既﹗
去到酒店大堂，同其他酒店大堂真係有d唔同﹗
點解咁講？因為個到似比人係到free上網既地方
用左10分鐘左右就完成左個check in喇，同埋放低左d行李。
之後我地就去視察下一陣去睇水舞間既地方喇﹗
仲發現左一d好搞笑既野﹗
就係一部矮過我既提款機﹗
好喇，視察完環境之後我地又再搭發財車出去喇﹗
新濠天地就係有呢個優點，去邊到都有車去到﹗
好似去澳門半島、花蓮、拱北、官也街等等都有車架﹗
所以我地第一站就去官也街喇﹗
大家要留意丫，因為去官也街呢個站，落車既地方都幾特別架﹗
因為個到係一間學校附近，但係大家向住m仔既方向行就唔會有錯架喇﹗
而上車既地方，亦都係係m仔附近﹗
今次呢個景點，其實係上一次肥仔生日之旅就想黎架喇﹗
之但係個日我地黎既時候，佢關左門，所以肥仔為左補償我，今次就帶我黎喇﹗哈哈
就係去禮記食翅喇﹗
好釆今次冇乜人而且唔洗排隊，如果唔係又冇得食lu
坐得睇個餐牌，發覺岩我地2個人食既野真係好小。
而且好多都只係岩6-8人食既，而且價錢都ok貴
所以最後我地都揀左2個最平既黎試下﹗
去相
( 左 ) 原盅菜膽炖翅 及 ( 右 ) 竹笙紅燒雞絲翅
評語︰
竹笙紅燒雞絲翅就似碗仔翅
而原盅菜膽炖翅就有濃濃的菜味，而且幾條大大的菜
不過就冇想像中大大條的翅，只係有小小的翅
其實食完禮記個肚都半飽喇﹗
不過食甜品，我有第2個肚wo，哈哈
莫義記
對上一次同肥仔黎既時候，食左個芒果大菜糕覺得好好食，所以今次再黎一次﹗
評語︰
無作出新嘗試，仍舊係芒果大菜糕
但味道同年幾前已經唔同了
無以前咁好食，味道好淡
可能其他做得比佢好卦
不過我覺得我應該整得比佢好食﹗haha
好，都食左2樣野喇，係時候散散步先喇﹗
下一站︰龍環葡韻:
由於太飽了 而且比原定時間早
我們就向龍環環葡韻喇﹗
今次去又係唔岩季節丫﹗
話說某年係童軍交流既時候我黎過呢到，當時我依稀記得個陣對出係一片荷花
但今次黎再一次睇唔到﹗
今日呢個景點超多新人黎影相丫﹗
唔講唔知，原來呢到係馬交既八大景觀之一丫﹗
見到咁多人係到影相，而我又問下肥仔係呢到影婚紗照好唔好《
肥仔話佢都係鐘意台灣影多d wo﹗
本來冇諗過入去參觀架，點知去到門口先知星期日係免費架﹗
因為之前check過係要錢，唔係貴$5，但都唔想洗錢係呢d地方嗎﹗
好釆唔洗錢，所以全部睇曬
沒有留言:
張貼留言