今日就唔方唔爽喇﹗
雖然今日十點半先集合，之但係我地3個（姐係我、L菲同師傅）都冇早餐食﹗
鬼咩，成團都有2個12歲以上既小妹妹，仲有1個生日既團友，公司話唔收佢地唔佔房
唔佔房就冇早餐食喇﹗咪要食我地3個佔房個份囉﹗
如是者，我訓到8點幾，起身，沖涼，本來想食返個杯面架，之但係我又怕香得濟嘈醒左L菲wo﹗
所以我咪冇食囉﹗沖完涼見時間尚早晞咪又再訓過囉﹗
9點幾起身，之後等夠鐘同埋L菲一齊落去等客囉﹗
唉....同d客講早晨，佢地十問九唔應，都唔知佢地想點丫﹗
早上望出去既景︰
酒店地址，如有興趣可以試下wo﹗
準時十點半齊人開車，一開車就同客打招呼喇﹗
有個客問我wo，知唔知泰國passport返香港可以帶幾多煙返去wo？
心諗，係咪真係咁大癮丫？
上到車之後再remind下佢地check真d証件，同貴重物品。
d客又係唔出聲，唉....
一朝早就同d團友去睇籚薈，又坐係個d鬼祟位等客喇﹗
見夠鐘咪出去行下等下，等d客見到我係有做野係到等喇﹗
點知等左15分鐘覺得唔對路wo，周圍搵，原來班客走曬去餐廳﹗
唉，又要諸多解釋喇﹗今次呢餐又真係唔錯wo
菜既份量又多，又肯加菜。所以我地都好順利提早食飯﹗
食飽飽叫左師傅去車到開定冷氣，叫d客企係餐廳到等住先﹗
夠鐘又出車喇﹗
今次先去水雲嶺先，呢個景點，我自己都去過2次喇﹗唉.....
今次都係坐係到等喇﹗見夠1小時咪又出去睇下行下咁喇﹗
一出去，就見到佢地出黎喇﹗
又要數下人，叫佢地去下廁所咁﹗
之後上車五分鐘，又落車喇﹗去左隔離個個蜂蜜王國
又係到等等等喇﹗聽日好多人話呢2日都好好景，點解我會咁架？
又一個鐘喇，行到出去又岩岩好見到佢地出黎﹗
我keep time都唔錯丫﹗不過我個人覺得我可以早小小出現﹗
見到佢地既同時，就提提佢地一陣會搭2個半鐘既車程返去關口喇﹗
而且亦同佢地講左會係虎門附近停比佢地去洗手間。
一上車，我都訓左一陣丫，我真係頂唔順丫﹗唉,...
好似帶左......出團咁﹗因為佢地真係十問九唔應架﹗
上左車個幾鐘之後就停車，等佢地落去舒展外，而且又可以放下司機去食煙喇﹗
點知......全車得1個人落車，計埋司機都係得2個﹗
個2個人食完煙又上車喇﹗
跟手問下班團友有冇人係皇崗落車喇﹗
點知一粒聲都冇丫﹗唉....我都唔知講咩落去喇﹗
唯有講...如果無團友係皇崗落車既，咁我就同師傅講，叫佢直接去羅湖，有冇問題？
如是者，都係冇人理我囉﹗唉,,,,,,,,
打蛇隨掍上，開始收錢同派意見書既時候喇﹗
我發覺做得呢行既人，應該都幾厚面皮架﹗
之但係我個人覺得自己唔厚囉﹗
因為我自己都覺得呢part先最監介，但係另一方面咁諗丫﹗
做左2日野，仲要24小時on call ，呢d錢係應得既﹗
唔做唔做終需做既，大家都係搵食姐﹗
明明講，寫好要自行封口，可能d客唔介意比我知佢地點寫我地喇﹗
不過見到佢地評膳食個part係劣囉﹗
睇黎有機會分分鐘比公司打黎照肺喇﹗
不過坦白講，我覺得我食既比佢地好囉﹗
收小費，本來都冇乜期望架喇﹗一心諗住唉...佢地一粒聲都唔出，做得好唔好又唔知...
但收到既小費，我都感到安慰。
到羅湖，送埋d客走，個人都輕鬆返唔小喇﹗
師傅仲同我講︰你走喇？洗唔洗我送你返去丫？我可以泊低車就送你架喇﹗
嘻嘻，多謝你了﹗
係呢個行程，有L菲同師傅陪住，真係開心﹗
你問我會唔會再出團？都應該會既，咪當見下世面囉﹗
仲有成頭家等緊我架﹗唉.....
希望下一次我唔會再遇見呢班客喇﹗
中山兩天團~就此完結
沒有留言:
張貼留言