20100502 本年第一次既比賽﹗

20100502 本年第一次既比賽﹗

今日係肥仔佢地個team"食粥體育館"既本年度第一場比賽﹗

如果有追開既你，一定知道肥仔個team佢地岩岩裝左隻新龍喇﹗

今日亦係新龍第一次以比賽身份落水﹗

晨咁早肥仔就出左去西灣見大速（係新龍個名）

本來我都諗住一齊去，但我真係好眼訓，所以就訓醒先算。

當我訓醒打比肥仔，肥仔又冇聽，我諗九成落左龍或者電話冇跟身喇

所以我買左個M仔，之後再慢慢行去西灣﹗

好好釆既係我去到佢地都未扒第一次，我發覺我晏小小起身係岩嫁﹗

唔知大家見唔見到肥仔呢？肥仔今日係左手仔黎嫁﹗

雖然呢張相睇唔到肥仔，但呢張相會令到大家好緊張。

因為我身處係距離終點唔夠一百米既地方。

所以大家都好想快D過到終點。

講多小小喇﹗

係咪覺得佢地好奇怪呢？個個企曬係到﹗

其實有D賽事比企有D唔比嫁﹗

不過有陣時有D隊唔企都會WIN，可能夠力喇﹗

係唔知咩時候肥仔發現左我，搵左快艇黎車我去佢地架艇到喇﹗

佢地搵到個朋友黎做專業攝影。

而我呢D相機仔又點比得上呢？

最後比佢D朋友叫我幫手用佢地機拍片...

但當我拍完，佢地睇緊個陣，把口不停地話我....

話我做咩影到咁嫁？

你地就咁叫我拍咋WO，又冇講過你地要求，我都唔識用丫﹗

你唔知邊隊係我地咩？

大佬丫，我係帶左眼鏡，但幾隊都黑色3點知WO﹗

影近D唔得咩？

再ZOOM就睇唔曬成條龍嫁喇﹗再者呢到係海黎嫁，部機跌左我賠唔起..

等等等等....

好坦白講，我都有自尊心嫁﹗我都要人尊重嫁﹗

如果你地覺得我拍得差既，大可以叫你地D女朋友做丫﹗

明明機主個女朋友都係到，點解要我拍姐？

個個要求唔同，我做到你要求，人地又會覺得差....

其實好多時同肥仔扒龍船都係唔開心嫁﹗

唔出聲係為左肥仔，如果我出聲就真係無面比嫁喇﹗唉

 

最後送上...

肥仔話呢支"妖"係代表我同佢，E for Edith M for Maxi 嘻嘻

不過呢支"妖"係5月5日比友隊既龍友扒斷了﹗

佢已然"妖"沉大海了﹗> <

20100714