今日晨咁早就起身喇﹗
食返個早餐先﹗
無諗過唔係平時個d好似自助餐既早餐。
不過都好丫﹗起碼唔洗諗下食咩﹗
其實仲有個沙拉架﹗不過冇影到﹗
今日既節目非常豐富，而且係我呢個旅程中最期待既一日﹗
因為我地今日會去九份同十份架﹗
今日天氣真係好好丫﹗因為琴日落左成日雨，今日真係好好天丫﹗
個天氣仲熱熱地﹗
九份我地黎喇﹗哈哈
首先，我地要係西門町搪捷運去台北車站，
之後係台北車站排隊買飛去瑞芳，
去到瑞芳又要轉巴士去九份
交通上真係嚇死你﹗
不過好多野都值得既﹗
最小我係咁覺得喇﹗
由於我地太遲先買飛喇，所以已經買唔到有位坐個d喇﹗
我地4個迫到死咁丫﹗
企左足足半個幾鐘丫﹗
去到九份都差不多11點幾喇﹗
我地都冇預話幾點食晏，你地都知架喇﹗
去旅行去到邊就食到邊架喇﹗
我地由頭行去尾一次，睇下究竟有乜要買，有乜好食喇﹗
因為屋企人都order左我叫我有d野一定要係九份買返去﹗
前年冇買已經比人鬧喇，今年一定要買到丫﹗
去左九份街尾，影左幾張相﹗
我估你地應該會覺得奇怪﹗
明明我話天氣好好咁，點解我地2個著到咁呢？
因為我地上到去先知係咁凍架﹗
我入面只係短3短褲，我凍到起雞皮喇﹗
所以要提醒上九份既朋友，一定要著多件3喇﹗
影完相就梗係去搵食喇﹗
就係去左呢到，食呢d野喇﹗
唔好意思，我唔記得左個名喇﹗
不過本旅遊書有介紹架﹗
我對佢既評價真係超麻麻，因為我覺得麻麻地好食丫﹗
特別係有芫茜個碟﹗
再去食第2樣喇﹗
之後肥仔行過個陣，已經嗅到好香既肉味
經佢搵到個源頭，原來的是燒山豬肉香腸
我地2個仲食左2條丫﹗
一開始一條，臨走又食一條，真係誇張丫﹗
係九份入面有好多地方都有薑茶買
前前後後都試左幾間，可能因為我地真係覺得太凍喇﹗
去到有一間好特別，飲左又唔覺得辣wo
而且有d好似珍珠既野咁，正﹗
不過都差不多二百蚊台幣一包架﹗
見m痛都可以飲咪買黎試下囉﹗
但我到宜家仲未試過係m痛時飲﹗因為我冇m痛﹗=P
點知朋友既女朋友受左家人所托買左廿包﹗
係買5送1既情況下，我地買左25包﹗
如是者，我地會埋環保袋比佢地，而我地仲要幫佢拎﹗
呢個先過份﹗
而我就買左個淘笛喇﹗
無他的，只係因為之前冇買，所以宜家買返一個姐﹗呵呵
在沿途上其實已經發現左我屋企人叫我買既野喇﹗
就係個d梅子姐哩丫﹗
我唔識講係咩，不過我就覺一d都唔好食，都唔知點佢地咁鐘意食﹗
但實在太貴喇﹗
不過都係肥仔叻，講價由180減到150丫﹗
唉都未去到十份，已經買左超多野喇﹗
其實我係呢到有d唔開心架﹗
雖然係朋友，但冇可能要我地幫佢拎個10幾包架嗎﹗
人地個女朋友就乜都唔洗做，連我都要幫佢拎丫﹗
我買3包架咋﹗> < 大家就當我小家喇﹗
係九份入口有一間李儀餅家
個到既太陽餅同鳳梨酥好好食架﹗
之前食過唔錯，所以想再買，但當諗起個十幾廿包薑茶
頓時乜都唔想買囉﹗
好釆佢係台北車站到開左間分店﹗
即時開心曬，因為唔洗拎住去玩喇﹗哈哈
等埋車之後我地又返返去瑞芳喇﹗
沒有留言:
張貼留言