宜家先黎寫肥仔生日blog
宜家係醫院先有時間寫咋...唉...
入正題先﹗
係肥仔生日既前一晚我地返左長洲，
因為肥仔要返去同屋企人慶祝，所以幾辛苦都要返去
你地睇下佢個樣幾lum...
之後我地就搭2130出返去喇﹗
出到去中環都2230左右
之後轉巴士去屋企附近到行年宵喇﹗
唔知係咪好耐冇行過既關係呢？
覺得好無聊又冇野行...本想買個風車，點知冇個岩...
未行已經過左2400了...係途中同肥仔講左句生日快樂﹗哈哈
返到屋企，迫左肥仔佢去沖涼...
等我準備好曬d野，比佢一個驚喜
其實我唔知佢開唔開心架﹗不過見到佢個樣咁,,,我估佢應該好開心﹗
肥仔既生日係大年初一wo
今年佢就陪我去公公婆婆到拜年喇﹗
今年我媽媽去左歐遊，所以都係由我代派利是喇
我阿姨爆響口話比人知肥仔今日生日，搞到d屋企人又要派多幾封利是比佢﹗
肥仔你就醒喇﹗
係公公婆婆到都係麻雀耍樂....
七點左右我同肥仔就走左喇﹗
因為我地去食生日晚飯嗎﹗
最後點解會揀呢間？其實都好波折
因為booking左幾間都有問題...唉..
最後揀左朗廷...
第一次食自助餐係有主菜食架﹗不過唔好抱太大希望喇﹗我地等左兩粒鐘先有得食﹗
是日甜品-得2款疏乎里（都係唔好抱太大希望，好藥水）
肥仔著緊個件皮褸係佢生日禮物黎架﹗
有肥仔最愛既紅酒
都ok好食架﹗
呢個就係主菜既真面目喇﹗
一人只可以揀2樣，所以我地可以試曬四樣
不過個size又真係好細囉
仲有右上角個個呃人架﹗入面係冇帶子架﹗
就係呢2舊野喇，唔好食，好藥水味架﹗
呢張就係我地生日既唯一合照喇﹗
肥仔︰
今年已經陪伴左你過3年既生日喇﹗
希望以後我地都會繼續陪伴大家喇﹗
沒有留言:
張貼留言