20130619 我的姊姊團

20130619 我的姊姊團

今日我抽空先寫我想寫既野先﹗

最近我好煩惱，亦好唔開心同埋個人好累﹗

唔知係咪我做野既關係呢？

呢幾日我都係到搵緊姊妹裙

其實一開始我就諗好左係邊到租同買既，所以我一路都唔急去邊到搵。

因為我知道呢D野好快就會搵到，而且只要有心水就可以好快咁解決﹗

但係....如果係唔得架﹗

我既PLAN係去返之前東菇租個間租返，原因如下︰

第一，我唔洗好似迫D姊妹要呢條裙

第二，方便我幫佢地一次過拎同還

第三，平

係總括以上原因，所以我先想去個到租﹗

但係事情又點會咁順利丫，順利既我今日就唔會寫呢個BLOG喇﹗

某日，我帶左一位姊妹W去呢個租既鋪頭。

姊妹W睇完覺得太小款同埋唔岩心水喇﹗

OK，咁我地咪去第二間睇喇﹗

因為我預左W會睇唔岩﹗

咁我地就去左姊姊部屋喇﹗

勁多人，W睇岩既我就一係覺得唔岩，一係就覺得好貴﹗

我明，每個人既睇法都唔同，佢亦唔一定要接受我既睇法﹗

但當時呢位姊妹W比我既感覺真係令我覺得佢只係為自己靚咁﹗

而且根本就冇諗過佢自己著唔著到個條裙﹗

咁個日我就梗係一條裙都睇唔岩，同埋佢根本都冇試過上身﹗

唉，其實我真係覺得好唔開心﹗因為個日我覺得係白行﹗

亦因為咁，我搵左第2個姊妹T去睇﹗

今次呢位姊妹T係好識慳家既，我唔係話唔好﹗

但我感覺冇選擇權﹗

呢位姊妹T介紹左我去百利廣場去睇姊妹裙﹗

而我又係第一次去﹗去到佢唔係帶我周圍去睇，而係帶我直接去一間到揀。

價錢真係好抵，質量唔係太差﹗

但係款式小﹗同埋佢好似冇比時間我諗﹗

不過唔緊要，我計過數，假設我唔要，都唔會TOTAL LOST

裙買左喇，係等佢地試身拎去改﹗

未買之前，我都WHATSAPP過D相比姊妹W。

第一次見佢冇回，我就打比佢叫佢睇﹗

點知佢就問我幾個問題﹗

1) 係咪有人陪我睇？ 碟︰係
2) 陪你睇個個係咪姊妹？ 碟︰係

跟著佢就話，咁得喇，你叫佢決定，最好試上身睇睇喇﹗

咁我就話OK喇﹗

其實我想話究竟邊個陪我睇，同埋佢係唔係我姊妹有問題咩？

由於我呢個姊妹T佢太瘦，所以由我試著﹗

著出黎感覺唔太差，不過真係要改﹗

試完我仲影左張相比咁多位姊妹﹗

最後係所有姊妹都OK同無意見，但唯獨個位姊妹W無覆我。

咁好喇，因為我既姊妹大多都瘦過我，我都只係拉唔到上心口姐

最多咪改一改，所以我決定左買﹗

大約2個鐘後，姊妹W打比我

碟︰你睇左張相未丫？
W︰睇左喇。
碟︰你覺得點丫？
W︰唔...OK喇﹗
碟︰唔...OK喇，咁姐係點丫？
W︰無野
碟︰哦，咁我食飯先，唔傾住

其實你有意見你可以出聲，你覺得唔OK你可以講。

我唔會迫你著你唔想著既野﹗

但如果你覺得我既決定你接受唔到既，咁我都唔勉強你做我姊妹喇。

我最好既朋友同我講，你比乜野我地，我地咪著乜野囉﹗

我地係黎幫你架，你問我地意見，我地會比。

你想我地幫你手，你可以講，我地幫到就幫﹗

聽到呢到我有DD想喊，因為係呢個時候我知道邊個係我既好朋友﹗

因為朋友會係你需要佢既時候，佢會出黎幫你一把，而唔去同你計較﹗

講左咁耐，好似講埋D9唔搭8既野﹗

不過講左好似個人開心左小小喇﹗

因為呢個婚禮，我已經唔開心左好多次﹗

雖然我冇講出黎，但係我唔係冇開心架﹗