20100124-25
今日我地由長洲出發，所以呢我地就搭左7點半船...
都係肥仔喇..懶訓，差d趕唔到丫﹗
出到中環都係8點半，我地就係港澳碼頭食早餐叮 ﹗
之後差不多9點就入閘
我地今日搭9時半既噴射飛航嗎﹗
但今日天氣唔多好，冇落雨已經好好了﹗
第1站-漁人碼頭
點解我會揀呢到做我地既第一站呢？
因為一個字〝近〞﹗同埋我地都未行過﹗
而且由碼頭行去都唔洗十分鐘，你都咪話唔近丫﹗
去到個到又見到大城又見到火焰山，好似個墟咁乜都炒埋一碟﹗
之後d行有唔同既做野wo....
好似由好多唔同既國家組成咁﹗
行行下就見到傳說中的Rock Hotel
個人認為外觀ok，但就唔知入面係點，不過有機會都應該唔會試...
行完咁近既"禺人碼頭"後，我地就行番去碼頭喇﹗
因為我地要搭穿梭巴番酒店﹗
係搭穿梭巴途中，我地見到.....
唔知係觀音定天后像，原來肥仔鐘意睇呢d...
不過最後我地都係冇再去到﹗
講番先喇，今次我地住既店係十六蒲。
揀佢既原因唔洗多講喇，以咁既價錢就可以住一間又新又5星既酒店都ok抵﹗
去到check in左先，但點都要3點後有房囉﹗唉....
你睇佢個大堂，閃到你暈丫﹗
放低左行李，乜都唔好理，出左發先﹗
呢個時候，就梗係要去醫醫肚先喇﹗
我地由酒店行去大三巴個邊都用左10-15分鐘...
行行下，竟然比我見到第二站黃枝記wo...
唔好理，等左位先﹗
可能呢間野新開丫...所以入面同書睇既係唔同﹗
我地叫左個皮旦瘦肉粥同蝦子面，
肥仔既評語係︰皮旦廋 好足料好入咪 但略咸，蝦子面 正 完全無”簡”水味 而且彈牙 不過蝦子就不太懂欣賞
食飽飽，我地就周圍行喇﹗
我地呢一站就去左大三巴喇,...
大三巴係乜？以前係大教堂，但宜家係燒剩下門前的牌坊﹗
之後就行埋上去個大炮台喇﹗
之後就行下去喇﹗
勁多支大炮 但每支都向著新萄京的﹗
睇完大炮，我地又行落山，大家睇到我住咩鞋嫁喇﹗
行到我都鞋仔痛，無計喇﹗
女人係愛靚唔愛命既動物嗎﹗=]
講番正題，我地又係時候去食下午茶
今次呢，我地就食左2樣野，一樣係金錢餅，而另一樣係胡椒餅﹗
無他既，見我食得咁開心，就知好好笑喇﹗
不過最小要買唔記得係$10定$20，不過個堆食到我飽，因為得我自己食...
而肥仔就走左去食....................
無錯就係去左食胡椒餅喇﹗
肥仔既cm係︰沒有肉汁，而味道麻麻，可不吃。都係台灣個d好食好多﹗
食飽之後我地就去左同事推介既盧廉若公園喇﹗
不過呢個景點大家可去可唔去﹗
因為真係無乜特色，而且我去既時候，已經冇蓮花睇了﹗
但原來都有新人去呢個公園到影結婚照wo
等我係呢到祝佢地白頭到老喇﹗
待續....
- 留言者: tin hang
- Email: michaelgd92@yahoo.com.hk
- 網址:
- 日期: 2010-01-25 19:38:00
[版主回覆01/25/2010 23:30:00]我都想..但革命唔成功﹗
沒有留言:
張貼留言