20100124 澳門之旅 Day 1 Part II

20100124 澳門之旅 Day 1 Part II

去完呢個盧廉若公園呢，我地就去左二龍喉公園同呢個東望洋燈塔﹗

唔講你地唔知東望洋燈塔係係二龍喉公園入面嫁﹗

唔知你地又有冇去過呢？

雖然由盧廉若公園行過去二龍喉公園只係十幾廿分鐘，

但我地唔識路，就連本地人都好似唔多識咁

幾經辛苦先搵到，但我地為既係搭個一分鐘既纜車﹗

呢個就係二龍喉公園喇﹗

裡面就係纜車站﹗

我地買左來回車飛票都只係$3咁大把﹗

呢架4號仔就係我地今日搭既纜車﹗

好快就上到黎lu﹗

係行去燈塔途中見到呢樣野﹗唔知大家知唔知係咩呢？

不過咁醒既你地一定知喇﹗呢個如果我冇記錯的話呢個就係防空洞﹗

你就咁望落去，可能唔似，因為佢封左丫嗎﹗

再行喇﹗入面有個防空洞比你參觀...

你完全唔會諗到防空洞入面會有部發電機囉﹗

可能醒目既你真係知道有，但最小有我同肥仔係諗唔到有呢個可能喇﹗

呢個就係個部位於防空洞內既發電機喇﹗

行完出去，再行一一一.....大段就見到我地既白色巨塔﹗

美中不足既野一定有，就好似有個d竹圍住左某d野...有d相影得唔靚﹗

天太光，用即影即有影得唔太好...

又遇著一班玩玩下既人幫我地影﹗

不過可以黎到呢到，我同肥仔都已經好開心嫁喇﹗哈哈﹗

係呢到玩左半個鐘左右，我地又行番個段好長既路走lu

搭埋纜車，搭2A巴士番酒店做番個正式check in。

終於都黎到酒店喇﹗外觀係Part I個陣大家都睇左喇﹗

今次就睇入面喇﹗

我地今次係住1508號房﹗

呢個就係廁所喇﹗浴缸個邊仲有22″LCD電視睇嫁﹗

再加上浴缸的右邊有一塊透明的大玻璃﹗

茶水方面，都有齊野飲既﹗

而我地就只係煲左水飲姐﹗

比肥仔偷影到我係廁所搞搞震，比你地估下我做緊乜野？

之唔係我係到睇緊......

呢樣野囉﹗個4支野好似係名牌子，不過經我用過....

感想︰唔多好，一d都唔香，洗左好似冇洗咁﹗

最好用應該係個d cream，但如果唔係個種味，我會更鐘意﹗

我地間房揀唔到向海丫.....

只係見到一大堆既樓﹗

係酒店玩左咁耐，我地都覺我餓喇，又係時間搵野食﹗

唉...呢餐食得唔係幾開心，都係因為我冇準備﹗

最後都去左間野食既..不過都搵左ok耐﹗

不過去餐廳之前我地去左一個地方搵食...

皆因肥仔話好好好肚餓，所以我地就走左過去酒店對面既爛地搵野食...

你可以會問爛地會有乜野食丫？

聽埋先喇好冇？

爛地搞到個台灣美食節wo...

有好多唔同既野食喇，好大雞扒、度小月等等既台灣美食...

但我地只係為左食小小填下個肚，所以就叫左以下既野....

柯仔煎

6款不同既燒賣

好坦白講，台灣個d好食一百倍，但唔知點解會有咁多人黎食呢？

去番正餐先，我地食左2個送同一碗飯咁多多﹗

肥仔感想︰姐姐雞煲就十分大煲，不過大煲就唔等於多雞嫁wo，多既反而係配菜。

而且略咸同埋好多油，不過都幾野味，送飯食無得頂﹗

但個XO醬娃娃菜，就咸左小小，但都可以接受既﹗

我︰有同感﹗

食飽飽就梗係周圍下喇﹗去我澳門就梗係要去埋賭場喇﹗

賭場第一站 - 永利

去到第一時間就問人金錢樹個show幾點有，個姐姐話...21:00

咁見有時間咪去賭下囉﹗

玩老虎機，太多掣又唔識玩，咁就白白浪費左$40﹗

之後去埋個d $50既賭台，最後$500比d賭台強姦曬﹗

本來諗住唉...都lost左喇﹗不過出去等夠鐘睇show喇﹗

點知出到去只不過係20:45之ma，就已經見到金龍喇﹗

細問之下金錢樹維修中，得番金龍睇...唉....> <

比個姐姐呃鬼左﹗

睇完金龍，我地又想去水池到睇show喇﹗

就問門口個個食蕉，問佢幾點喇﹗

當時佢望一望隻錶之後同我講，仲有一個鐘頭wo小姐﹗

心諗一個鐘頭得一次？冇可能嫁wo﹗

我地抱著一個唔想再人呃既心態係到等...

係附近影下相咁﹗

興幸我們等多左五分鐘，因為五分鐘後個水池show就開始

不過講真又真係幾好睇，但同時事實又証明左我們又比人呃左喇﹗唉﹗

係睇緊既時候我地先發現，原來水池show係每十五分鐘一次＝＝"

係永利見証過失敗，我地再一次去左新萄京搵何生﹗

呢粒鑽石有2xx卡嫁﹗

有何生個樣同牛頭像﹗

最近我地win唔到何生錢，仲要比錢佢睇醫生，唉...﹗

今日一d都win唔到，最後決定打道回府﹗

肥仔話個袋可以空，但個肚就唔可以空﹗

我地今晚既宵晚就係食細龜喇﹗

但我地竟然冇食佢最出名既野，反而食左d簡單野﹗

肥仔感想︰腸粉味道就一般同長洲碼頭不雙伯仲﹗

及第粥就好足料但就略咸囉﹗

行左一日我真係好累喇﹗

沖完個涼，一齊fu mask，我竟然fu fu下訓左，最後要肥仔幫我洗臉丫..﹗

第二天，待續﹗